Better belive, it's not me

"നിസ്സഹായതയും അനിശ്ചിതത്വവും. നിന്റെ കാര്യത്തിൽ ഇവ രണ്ടുമാണ് എന്നെ ഏറ്റവുമധികം തളർത്തുന്നത്. ജീവിതം/മരണം എന്ന ദ്വന്ദങ്ങൾക്കിടയിൽ ഇങ്ങനെ ഒരു സൂപ്പർപോസിഷൻ അവസ്ഥാന്തരം ഉണ്ടെന്ന് ഞാനിപ്പോൾ തിരിച്ചറിയുന്നു. രണ്ടിലും പെടാത്ത ഒരു അനിശ്ചിതത്വം. ആ അവസ്ഥ നിന്റെയൊപ്പം ഞാനും അനുഭവിക്കുന്നു. ഒരു കൃഷ്ണമണിയുടെ മാത്രം സങ്കോചവികാസങ്ങളുമായി, വിറയലുകളിലൂടെ നിലനിൽപ്പ് സ്ഥാപിച്ചെടുക്കാനുള്ള ത്വരയോടെ ആശുപത്രികിടക്കയിൽ കിടക്കുമ്പോൾ എന്തായിരിക്കും നിന്റെ ചിന്തകൾ എന്നു ഞാൻ ആലോചിക്കുന്നുണ്ട്. എന്റെ ആ കൗതുകവും ഇല്ലാതെയാക്കാൻ നീ തിരിച്ചു വരുമെന്ന് ഞാൻ ആഗ്രഹിക്കുന്നുണ്ട്. തീവ്രമായി." അവൻ … Continue reading നിന്റെ ഓർമ്മയ്ക്ക്…

ഞാൻ ആകെയെന്റെ ജീവിതത്തിൽ ആത്മാർഥമായി ചെയ്തിട്ടുള്ള ചുരുക്കം ചില കാര്യങ്ങളിൽ ഒരെണ്ണം ഇത്തരം ചില തുറന്നെഴുത്തുകളും മറ്റൊന്ന് നിന്നോടുള്ള പ്രണയവുമായിരുന്നു. ചുറ്റുമുള്ള പ്രക്ഷുബ്ധതയിൽ നിന്നും ശാന്തതയ്ക്കായി ഞാൻ സമീപിക്കാറുള്ള രണ്ട് ദ്വീപുകൾ പോലെയായിരുന്നു ഇത് രണ്ടും. ഒന്ന് ഒരു ഇൻട്രോസ്പെക്ഷന്റെ വൈരുദ്ധ്യം നിറഞ്ഞ സമാധാനവും സുരക്ഷിതത്വവും എനിക്ക് പ്രദാനം ചെയ്തപ്പോൾ, നീ എങ്ങനെയാണത് അബോധപൂർവം പോലും സാധ്യമാക്കുന്നത് എന്നു ഞാൻ അത്ഭുതപ്പെടാറുണ്ട്. പക്ഷെ നീയെന്ന കര കഴിഞ്ഞ കുറച്ചുകാലങ്ങളായി എനിക്ക് കൂടുതൽ പരിഗണന തന്നപ്പോൾ നീയെന്റെ കംഫർട്ട്സോണിലേക്ക് … Continue reading ഏറ്റുപറച്ചിലുകൾ, തിരിച്ചറിവുകൾ

പത്രങ്ങളും വാർത്തകളും നിറയെ മരണസംഖ്യകൾ നിറഞ്ഞു നിന്ന മഹാമാരിക്കാലത്താണ് ഞാൻ സാറാ ജോസഫിന്റെ ബുധിനിയെ വായിക്കുന്നത്. നെഹ്റുവിന്റെ ഗോത്രവധു എന്ന് ലോകം കൗതുകപൂർവ്വം വിശേഷിപ്പിച്ച ബുധിനി മെജാന്റെ കേവലജീവിതകഥയല്ല നോവൽ. അതിജീവനത്തിന്റെ യുദ്ധക്കളത്തിൽ നിലകിട്ടാതെ ഓടേണ്ടിവന്ന കോടിക്കണക്കിന് മനുഷ്യരുടെ കഥയാണത്. ബുധിനി മെജാനും ദയാനന്ദ ടുഡുവും സോമനാഥ് ഹെംബ്രോമുമൊക്കെ അവരെ പ്രതിനിധീകരിക്കുന്ന ചില മനുഷ്യർ മാത്രം. ആ നമധേയങ്ങൾക്കു പിന്നിൽ അണിനിരന്ന അനേകലക്ഷങ്ങളാണ് ചെറുത്തുനിന്നത്. അവരുടെ ജീവിതങ്ങാളാണ് സാറ ജോസഫ് എഴുതിയത്. ആരെയാണ് അവർക്ക് ചെറുത്തുനിൽക്കേണ്ടി വരുന്നത് … Continue reading സാറ ജോസഫിന്റെ ബുധിനി; വായന, വിശകലനം

ദ്രാവിഡ രാഷ്ട്രീയത്തിന്റെ വേരുകളിലേക്കിറങ്ങിയ മണിരത്‌നത്തിന്റെ 'ഇരുവർ എന്ന സിനിമയിൽ ഒരേ സമയം ദൃശ്യമാകുന്ന രണ്ട് വിവാഹ sequeces ഉണ്ട്. ഒരിടത്ത് ബ്രാഹ്മണനായ മോഹൻലാലിന്റെ വിവാഹം, മറ്റൊരിടത്ത് ദ്രാവിഡനായ പ്രകാശ് രാജിന്റെ വിവാഹം. അന്നുണ്ടായിരുന്ന അസമത്വത്തെക്കുറിച്ച് സംസാരിക്കുമ്പോൾ ഇങ്ങനെ രണ്ടുവിവാഹങ്ങളും ഇടകലർത്തിയതിൽ സംവിധായകന്റെ കരവിരുത് പ്രകടമാണ്. ഇതിനോടൊപ്പം തന്നെ രണ്ടുവിധ വിവാഹക്രിയകൾക്കും, ഈ സംഭവബഹുലമായ സിനിമയിൽ പാകത്തിന് സമയം നൽകിയിട്ടുണ്ട്. ജ്യാതിവ്യത്യാസങ്ങളെയും ആചാരങ്ങളെയും ഒരുമിച്ച് റീലിൽ കാണിച്ച ആ ജനാധിപത്യബോധ്യം പോലും ഇന്ന് രാജ്യത്തിന്റെ അധികാരം കയ്യാളുന്നവർക്കില്ല എന്നത് … Continue reading ഇരുവർ

ഉത്തരം കിട്ടാത്ത ചില ചോദ്യങ്ങളിലാണ് ഇപ്പോൾ സഞ്ചരിക്കുന്നത്... Racism എന്ന വാക്കിന് മലയാളത്തിൽ വംശീയത, വർണ്ണവെറി എന്നൊക്കെ സമാന്തരപദങ്ങളുണ്ട്. വംശീയമായ യാഥാസ്ഥിതികത്വം എന്നതാണ് കൂടുതൽ അടുത്തുനിൽക്കുന്ന പദം എന്നാണ് ഇക്കാലമത്രയും കരുതിപ്പോന്നിരുന്നത്. പക്ഷെ യാഥാസ്ഥികമല്ലാത്ത ഒരു സമൂഹത്തിൽ, വിദ്യാഭ്യാസം പുലരുന്ന ഒരിടത്ത്, ഒരു പരിധി വരെ കളങ്കങ്ങൾ ഏതുമില്ലാത്ത മനസ്സുകൾ വിഹരിക്കുന്ന സ്ഥലത്ത് വർണ്ണം ഒരു ചർച്ചാവിഷയമായത് എന്റെ തോന്നലുകളെയാകെ തകിടം മറിച്ചു.   ഒരു കൊച്ചുകുട്ടിയുടെ ചോദ്യമാണ്:"നിങ്ങൾ തമിഴനാണോ?" ഒന്ന് ഞെട്ടിയിട്ട് കൊടുത്ത മറുപടി ഇതായിരുന്നു:"എന്റെ … Continue reading വംശീയതയെക്കുറിച്ച് ചില വീണ്ടുവിചാരങ്ങൾ

കിളിക്കൂടിന് സമാനമായ ഒരു വഴിയാണ് ചാർമിനാറിന്റെ മിനാരങ്ങളിലേക്ക്‌.. സമമല്ലാത്ത പടികളും തിരക്കും വായുസഞ്ചാരത്തിന്റെ കുറവും.. താഴെ നൂറായിരം കടകൾക്കിടയിലേക്ക്‌ ഇറങ്ങിയപ്പോൾ ഞാൻ അമ്മയോട് പറഞ്ഞു: "മഹത്തരമെങ്കിലും എത്ര അശാസ്ത്രീയമായ പടവുകളാണ്." ചിരിച്ചുകൊണ്ട് അമ്മ മറുപടി പറഞ്ഞു; "ആ പടികളുണ്ടാക്കിയ കൈകൾ.. അതിൽ നിന്ന് എത്ര ചോര പൊടിഞ്ഞിട്ടുണ്ടാകും? വിയർപ്പ്.. മഴയും വെയിലും സഹിച്ചിട്ടുണ്ടാകും?  നീ എത്ര പടികളുണ്ട് എന്ന് എണ്ണി നോക്കിയോ?" ഇല്ല!!.. ഞാൻ എണ്ണി നോക്കിയിരുന്നില്ല. ഖുതബ്ദിൻ ഷാ രാജാവ് പണികഴിപ്പിച്ച നാല് മിനാരങ്ങളെ ഞാൻ ഒന്ന് കൂടി … Continue reading കൈകൾ

ലളിതകലാ അക്കാദമി പുരസ്കാരങ്ങൾ പ്രഖ്യാപിച്ചു. മികച്ച കാർട്ടൂൺ കണ്ടു ചിലർക്കൊക്കെ കുരു പൊട്ടാൻ തുടങ്ങി, പൊട്ടിയ കുരുക്കളുടെ വലിപ്പവും ആഴവും കണ്ട് മറ്റു ചിലരുടെ ഉറക്കം നഷ്ടപ്പെടുകയും ചെയ്തു(വോട്ടല്ലേ ചോറ്!). അംശവടിയിൽ വരച്ചുചേർത്ത അടിവസ്ത്രമാണ് കുരുപൊട്ടലിന്റെ ഹേതു. അംശവടി മതചിഹ്നമാണ്, കാർട്ടൂണിസ്റ്റ് മതചിഹനത്തെ അവഹേളിക്കുക വഴി വിശ്വാസികളുടെ വികാരം വ്രണപ്പെടുത്തിയിരിക്കുന്നു, ഇതാണ് പ്രധാന ആരോപണം. പക്ഷെ ആ കാർട്ടൂണിലെ മറ്റു ചില രേഖപ്പെടുത്തലുകൾ കൂടിയാണ് എന്റെ ശ്രദ്ധ പിടിച്ചുപറ്റിയത്. ഫ്രാങ്കോയുടെ തലയുള്ള ഒരു പൂവാൻകോഴി(തീർച്ചയായും പ്രത്യേക താത്പര്യതോടെ … Continue reading അംശവടിയിൽ തൂക്കിയ അടിവസ്ത്രം പഠിപ്പിക്കുന്നു: മതവികാരത്തിന്റെ വ്രണം എങ്ങനെയൊക്കെ പഴുക്കാം.

ഇപ്പോഴുള്ളത്തിന് തൊട്ടുമുമ്പിലത്തെ എട്ടിലെയോ ഒമ്പതിലെയോ മലയാളം പാഠപുസ്തകത്തിൽ ഇ.ഹരികുമാറിന്റെ ഒരു കഥ പഠിക്കാനുണ്ടായിരുന്നു-'എന്തൊക്കെയോ നഷ്ടപ്പെട്ട ഒരാൾ' എന്നായിരുന്നു പേര്. തെരുവിൽ വച്ച് എന്നെ വീട്ടിലേക്ക് കൊണ്ടുപോകാമോ എന്ന് ചോദിക്കുന്ന റാണിയെന്ന പെണ്കുട്ടിയെയും അതിന് വിസമ്മതിച്ച ഭാര്യയെയും അതിനിടയിൽ ഭാര്യയെ അന്ധമായി അനുസരിക്കേണ്ടി വന്ന തന്റെ അവസ്ഥയും-ഇവ മൂന്നും തമ്മിൽ പ്രോട്ടോഗോണിസ്റ്റിന്റെയുള്ളിൽ നടക്കുന്ന സംഘർഷവുമാണ് കഥയുടെ പ്രാരംഭഘട്ടം. ശേഷം ഭാര്യയുടെ എതിർപ്പിനെ മറികടന്നുകൊണ്ട് ആ പെണ്കുട്ടിയെ വീട്ടിലേക്ക് വിളിക്കാൻ പോയ പ്രോട്ടോഗോണിസ്റ്റിന്റെ മുമ്പിൽവച്ച് സാമ്പത്തികശേഷി വളരെ കുറഞ്ഞ ഒരു … Continue reading ഒരു ഉപമയുടെ സാംഗത്യം!

എന്തിനാണ് വായിക്കുന്നത് എന്ന ചോദ്യം പലപ്പോഴായി പലരും ചോദിച്ചിട്ടുണ്ട്. അപ്പോഴൊന്നും കൃത്യമായ ഒരു മറുപടി പറയാൻ മാത്രം തിരിച്ചറിവൊന്നും എനിക്കുണ്ടായിരുന്നില്ല. ഇപ്പൊ ആവശ്യത്തിന് മേൽപ്പറഞ്ഞ വസ്തു ഉണ്ടായി എന്നല്ല കേട്ടോ ആ പറഞ്ഞതിന്റെ അർത്ഥം. പക്ഷെ ആരേലും ചോദിച്ചാൽ പറയാൻ കയ്യിൽ ഞാനൊരു മറുപടി ആലോചിച്ച് കൂട്ടി വച്ചിട്ടുണ്ട് ഇപ്പൊ. പക്ഷെ എന്താണെന്നറിയില്ല, ആളുകൾ ആ ചോദ്യം വിട്ടു എന്ന് തോന്നുന്നു.. ആരും. ചോദിക്കാറില്ല. ആത്യന്തികമായി പറഞ്ഞാൽ രോമാഞ്ചത്തിന് വേണ്ടിയാണ് ഞാൻ വായിക്കുന്നത്. പുസ്തകം വായിച്ചിട്ട് അഭിപ്രായം … Continue reading വി.കെ.എൻ, നിങ്ങൾ എന്നെ വലിച്ച് അടുപ്പിക്കുകയായിരുന്നു!!