:

Gumawa ng national issue.

Sa dami ng tubig na pinainom ni Fafa Roach kay Pacquiao in between rounds noong nakaraang Linggo, hindi kaya siya nakaramdam ng pangangailangang umihi habang nakikipagsuntukan?

Eh, si Morales kaya, hindi naihi sa hapdi ng mga sugat sa mukha na nakuha niya kay Pacquiao?

Meron bang CR break ang mga boksingero tuwing commercial? Arinola in disguise ba ang upuan nila sa ring? Nag-a-adult diapers ba sila kaya ang laki-laki ng kanilang mga shorts?

Makatao ba 'yun?

Hindi ba kayo nababahala?

Posted by sigh at 12:03 AM | Permalink | Comments

Ano ang bago:

1. Bagong guwapo. Si Bruce na taga-IC. Kahapon ng tanghali, habang ipinapaliwanag ko kay Big Flower kung ano sa Pinoy ang salitang "very", dumaan sa hallway si Bruce. Di ko napigilang mapabulalas: Ay, napakaguwapo!

2. Bagong organizer mula sa The Chad (a.k.a. Cy1) na naniniwalang kailangan ko nang ayusin ang mga plano ko sa buhay. Tama siya.

3. Bagong inaanak. Isang magandang babae na pinangalanang Bianca. Meron na akong tatlong inaanak ngayon. Dalawang batang babae (Felicci at Bianca) at isang babaeng aso (Biba). Lahat magaganda tulad ko. Bawal ang umangal.

4. Bagong kumpare. Si Brian na tatay ni Bianca ang pinaka-una kong kalaro. Palibhasa kasi magkapitbahay kami at superfriends pa ang mga nanay namin kaya sapilitan kaming naging magkalaro. Siya ang nagturo sa akin ng "Shaider, Shaider Loves Annie" (a-babiloz, a-babiloz, pik-pak-boom!), Bioman, at kung paano tingnan ang mundo nang nakabaligtad. Paborito rin namin noon ang magkunwaring magsasaka. Ginugupit namin ang carabao grass gamit ang pang-Grade 1 na gunting na saksakan ng purol.

Hindi na kami nag-usap ni Brian simula noong mapalo siya dahil tinuruan niya ako ng "magic spell" na "Ang-na-ang-na, Su-Mas-Ki-Dot, (yadayada) Mo-Ko-Mo-Ko" (mga 90s kids na maagang natuto ng kabastusan, alam pa siguro ninyo ang kabuuan nito). Hindi na rin niya nasakyan ang hilig ko sa "Shake-Shake-Shampoo-Stop" (kanta sa jumping rope) at uh, Sweet Valley Kids. Ngunit dahil nga superfriends ang mga nanay namin at dahil siguro ako ang una niyang kalaro, eh, kinuha niya akong ninang ng panganay niya.

Ah, hindi. Alam ko na. Kinuha niya akong ninang sapagkat magkapitbahay lang kami at hindi ko sila matataguan ni Bianca kapag Pasko. (Hmn!)

5. Natututo na yata akong hindi mag-isa.

-oOo-

2006 na. Noong panahong kalaro ko pa si Brian, merong tsismis na magugunaw na ang mundo sa taong 2000. Ngayon, nagsisimulang muli ang panibagong taon.

Ang hiling ko para sa ating lahat:

1. Paghilom.

2. Bagong mga pangarap. 'Yung pangmatagalan.'Yung walang sumpang "best before", di tulad nung pangarap kong makasali sa cast ng Chikiting Patrol noong Grade 3 at maging pari noong Prep. At makasayaw si Joel Torre noong Kinder. -_-

3. Lakas ng loob upang patuloy na umasa. Ang kumapit kahit madaling bumitaw.

Happy 2006, mga dude! Atin ang taong ito. Nararamdaman mo ba? :) Galingan nating lahat.

Galingan natin sa lahat.

Posted by sigh at 10:35 PM | Permalink | Comments